昨晚老父老母老遠跑到旺角為我送禮，我們一行人去了吃日本餐。
席中老母說起她有一名下屬，當正自己是老闆，向同事們呼呼喝喝。甚至連我老母也被他冷言冷語。老母這老江湖當然不動聲色地行動，向那名下屬施壓，最後那名下屬受不了壓力辭職了。
從老母口中得知，那名下屬在之前的公司二十多年，與他的上司不和，一直被欺壓，可說有點鬱鬱不得志。直至轉到老母的公司，得到老母上任的提攜和信任，老母的上任又把大權下放，那下屬便順理成章掌握大權。幾年後老母接任，大概他太習慣當老闆，忘記了怎樣當個好下屬，於是便落得如施下場。
權力是兩面刃，能使我們上進，也能使人迷失。像飲酒一樣，淺酌很樂，酗酒就有害了；太久沒飲酒，喝少許也會醉。眾人皆醉，我也只能祈求我老母現時美酒當前也不會喝得太醉了。
週未和同學們去了唱k，離開時聽到有好多人唱呢首歌。我地都有唱架，不過淨係識唱chorus果幾句囉。
你話福仔傻又好，話佢搞笑又好，我就幾佩服佢。佢大可以唔做野，得閒揸架遊艇出海，或者飛去米蘭睇下今年秋天有乜新裝，又或者比少少錢玩下女人（或者男人）駛乜去做ceo咁辛苦，更加犯不著走上台唱歌拋頭露面。講heart，佢好過啲o靚仔o靚妹新人多多聲了。
首歌啲歌詞幾有意思，來簡約地愛多八十年態度未曾改變，執子之手，與子偕老，不是每個有情人的夢想嗎？到尾仲食埋白花油個字，以廣告歌來說叫交到貨了。只不過係個旋律唔夠商業，好難入腦囉。（不過相比起之前夢想有你，已經有進步了）
仲有，福仔，下次plug歌唔好plug啲咁難唱o既歌啦，真聲轉假聲真係好易走音的，你未handle到就叫監製降番半個key唱真聲啦，做事要量力而為呀！
歌手 : 顏福偉
作曲 : 馬永齡
填詞 : 阿秋
歌名 : 愛多八十年
專輯 : 未出碟歌曲
備註 : 白花油廣告主題曲(2007年)愛多八十年 顏福偉
每日穿上套裝 機器式工作
沉悶化妝 何解遮蓋你臉龐
昐做富豪主角 用來換你供車作樂
不過失眠亦 發作
請掛起晚裝 揮去金錶朿縛
其實更多 難得感覺 由你發落
就似拍拖 無需高檔堂皇
只憑簡單釋放 令無味罐頭 也變糖來簡約地 愛多八十年
態度未曾改變
昨日新款在明日膚淺
為何尚要 眷戀爭先
嬴得仰望 奪去了感覺
快樂也是幻覺
情人為你選的花 你也未觀看不要千呎家 不愛金光璀璨
寧願去揀 床舖簡潔 陳設雪白
就算世間 時興搶眼大話
堅持你的風格
別人在笑嗎 懶理他來簡約地 愛多八十年
態度未曾改變
昨日新款在明日膚淺
平凡像我 也於身邊
嬴得仰望 奪去了感覺
快樂也是幻覺
情人為你選的花 你也未觀看恆久 可以嗎
要敵過時刻轉變歲月吧
試問有誰綻放一生 像雪花
日日 想得獎 最後輸得鋪張
最簡單迴響 卻最響來簡約地 愛多八十年
世事無常改變
昨日新款在明日膚淺
為何尚要 眷戀爭先
如果世事 未再有新意
八十歲後遇見
唯獨白色的鮮花 會繼續優雅
平凡但顯赫的花 變化亦不怕
幾年前看過這個廣告，覺得好好睇，又比我響youtube搵番了。
這個廣告當年是被禁的，我都唔知點解。大概又生又死個男人唔靚仔又無著衫，會令人不安吧。
”Life is short, play more" 人生苦短，有時真係要玩下輕鬆下，唔應該日日做到無停手的。不過，日日係咁玩有時都幾悶，我都係鐘意"work hard, play harder"多啲，嘻嘻！
T伉儷今日到旺角，有朋自遠方來，一起出去食飯睇戲，我唔溫書出街玩左先算。
我們一行人去吃壽司，席上T生忽然捉住我雙手，舉到T太面前說：「嗱，佢都無戴架！」哦，原來他們說我沒戴結婚戒指。
話說T太有個朋友，結婚兩月，老公的結婚戒指就不見了，T太的朋友因而被激至"扎扎跳"。T生則說不見了戒指只是小事，她那朋友發女人脾氣而已。
吃飽飯後我們去看蜘蛛俠三，剛巧片中也有結婚戒指。話說主角 Peter Parker 想向女友 MJ 求婚，她的Auntie把當年叔叔給她的求婚戒指，轉送給 Peter用作求婚之用，仲提醒Peter一定要確定自己”ready"，才可向 MJ 求婚。Peter對Auntie說"I think I’m ready"，但求婚之前他卻做盡一個”未ready"的少男會做的事，包括：
Peter當然求婚失敗了。之後編劇更安排他失戀，迷失，沉淪，犯錯。知錯後的Peter把結婚戒指還給Auntie，說"I’m not ready yet"。之後他被Auntie一言驚醒，Peter由寛恕自己開始，把做錯的都一一修補。Peter錯過改過後成長了，他的成長過程就不是一般少男成長到男人的過程嗎？片中有些細節就令到我呢個過氣少男有些共鳴了。
說回T的朋友，大概她的先生不是故意丟失結婚戒指的。丈夫也太大意了，要知道結婚戒指對女人有多大的symbolic meaning，結婚戒指不見了，要知道女人的感受，好好安慰太太；太太也要知道男人通常對結婚戒指都是沒有多大感覺，平常戴戴除除的，真的很容易就不見了，盡量寛恕他吧。
我呢，我初結婚時，就知自己大頭蝦，怕丟失，連沖涼都不敢把婚戒除下來。但是因為皮膚敏感，戴上戒指後，我的手指就一直腫起來。雖然如此，我也不敢除下戒指，一直戴著。體貼的W不忍見我的手指又痕又腫，便幫我把戒指穿到頸繩上了。
你有無比你上司用以下，或者類似的理由"丙"過呢?
我地呢 d 做細o既，幾時要上表，幾時自己搞掂算數，真係一門藝術黎架！我有個同事，佢做事勤奮，兼且非常仔細，甚少出錯。但是佢每日都會email 比上司, 說明佢今日做過的每一件事; 而且, 任何決定都一定會得到上司批准才開工。如果你係佢上司，你會對佢有乜野評價呢？話佢懶又唔係，話佢蠢又唔係，但係佢日日咁email 轟炸你, 你唔煩就奇了。佢咁勤力，你炒佢又炒唔落手，但係你一定唔會升佢囉。
你上司都係人，人人口味都唔同。有d人鐘意你乜都話佢知，有d人淨係想你搞掂晒先話個結果比佢知；有d人只喜歡聽好消息，有d人就好壞消息都會聽。
當然，我唔係提倡你做個淨係識"見人講人話，見鬼講鬼話"o既擦鞋仔。但係，你最少要知道，你老闆會expect點樣同你溝通。
例如，如果佢expect個溝通模式係，佢比d high level o既意見你，跟住就預左你搞掂左先會report番比佢知。響呢d情況下，你就唔好事無大小都走去滙報了。因為佢只係會expect件事就完成之前，你只會搵佢兩三次。所以，你就要好好利用呢兩三個quota去問一d重要o既問題啦。如果你一開始係咁問佢d芝麻綠豆小事，爆晒quota，佢會開始ignore你D email，甚至會唔聽你電話。咁到時有大事發生，你搵唔到老闆做決定，咁件事點做先？果時你就大鑊了。
所以呢，做下屬o既，每逢有新上司到任，就算你不屑趕去擦第一手鞋，你都要主動咁觀察你個新上司，尤其是佢個溝通模式。咁你之後同佢溝通時遷就一下，和他共事時便會事半功倍了。
你可能會問，點解要你就佢？咁佢就我得唔得？
仲要問點解？因為佢係你老闆囉！
已經收到今年第一份生日禮物，是探戈同學送的。
禮物是韓國小酒杯，和一張寫滿生日祝福的生日咭。葡萄美酒夜光杯，飲韓國燒酒用韓國酒杯就最正了。有五隻杯喎，唔知有無五個傻佬陪我飲呢ｄ加味酒精呢，哈哈！生日咭上印有日文字，又寫滿同學寫的祝福。你們為我寫的每一隻字，都令我開心到飛起。多謝多謝多謝多謝多謝多謝多謝多謝多謝多謝。
各位，我會很快回來。
今晚practica完，成班同學仔去左老蘭o既Lux食野同飲番杯。
估唔到呢個飲野o既地方，食物質素又幾好喎！個pizza好夠芝士味，個餅底又香又脆，正！意粉好味，裡面d sausage同蝦都好正；仲有個murphy chicken wing，外面脆裡面嫩，味道唔錯，口感一流！
同場仲有性感女dancer 跳舞表演，不過我就唔好意思影佢地相了。
成班同學飲下食下吹下水，好開心。J 沒有飲酒，只是飲左杯cranberry juice，但都醉了。今晚醉人的不只是酒呢！
昨晚上課討論的是商業道德。我們圍繞著事後避孕丸(RU486)討論。這種藥的原理是用藥物令受精卵子不能在子宮內膜著床，從而做到人工流產（或避孕）的目的。
反墮胎份子認為卵子一受精，就是生命的開始。利用藥物令受精卵子不能正常生長，就是殺死嬰兒，和殺人一樣，是完全不道德的行為。
發明這種藥的公司(Roussel UCLAF)，考慮到市場上對這種藥的強大需求，本可以把這種藥全面推出市場，從而賺取龐大的利潤。但是反墮胎份子激進的反墮胎行為，最終令Roussel UCLAF不能全面地售賣RU486，只可低調地和受管制地售賣，令盈利大減。
當然整個個案中還有很多細節，也不能在此處細表。但這個個案的重點是，如果你是藥廠的最高決策人，一方面你知道售賣這種藥可賺取暴利，另一方面你又知道售賣這種藥不是太道德的行為，你會如何決擇了？
營商講求靈活變通，通常在人們不會做或不敢做時，而你做了，你就能掌握商機。可是，是不是所有事都可以做的呢？你做決定時又有沒有底線的呢？
遇到這種人生交叉點，老師介紹了一個小方法。如果你可以很安心的對你五歲的兒子說你決定要做的事的話，那件事就應該沒有什麼道德問題了。
做硬，玩更硬 
近期迴響